शारिरीक, बौद्धिक संवेदनाक्षम आणि विकासात्मक दिव्यांगत्व असलेल्या दिव्यांग व्यक्तींच्या कार्यक्षमतेमध्ये वाढ करुन त्यांना समाजाच्या मुख्य प्रवाहात आणण्यासाठी विविध योजनांच्या /उपक्रमांच्या माध्यमातून विभागाकडून सहाय्य केले जाते .

अपंग व्यक्ती हक्क अधिनियम, २०१६नुसार दिव्यांगत्वाचे २१ प्रवर्गात वर्गीकरण करण्यात आले आहे. उदा.कर्णबधीर, मुकबधीर, अस्थिव्यंग, मानसिक दुर्बल, मतीमंद, मानसिकदृष्टया आजारी व बहुविकलांग, इत्यादी.

विभागाकडून दिव्यांग व्यक्तींना विशिष्ठ सेवासुविधा पुरविल्या जातात. या सुविधांमध्ये वैश्विक दिव्यांग ओळखपत्र, पुनर्वसन, शिक्षणाला प्रोत्साहन देणे, रोजगार निर्मिती करुन नोकऱ्यांच्या संधी उपलब्ध करुन देणे, इत्यादी बाबींचा समावेश आहे.